Ahmad Faraz - - Shayari - - Post Here

Number of posts : 1950 Registration date : 2008-09-14

Jiiii

Subject: Re: Ahmad Faraz - - Shayari - - Post Here Sat Nov 01, 2008 7:41 am

chere main ne kabhi lab-o-rukhsar ke qisse
gahe gul-o-bulbul ki hikaayat ko nikhaaraa

gahe kisi shahazaade ke afsane sunaaye
gahe kyaa duniyaa-e-paristaan kaa nazaaraa

main khoyaa rahaa jin-o-malaik ke jahaan main
har lahajaa agarche mujhe aadam ne pukaaraa

barason yon hi diljami-e-aurang ki khaatir
sau phuul khilaaye kabhi sau zakhm kharide

main likhataa rahaa hijv bagaavat manshon ki
main parhataa rahaa qasrnashinon ke qaside

ubharaa bhi agar dil main koi jazabaa-e-sarkash
is khauf se chup thaa ke koi honTh na si de

lekin ye tilismaat bhi taa der na rah paaye
aakhir mai-o-minaa-o-daf-o-chang bhi TuutTe

yon dast-o-garebaan huaa insan-o-khudaaband
nakhachir to tarape qafas-e-rang bhi TuuTe

is kashmakash-e-zarraa-o-anjum ki fizaa main
kashkol to kyaa afsar-o-aurang bhi TuuTe

main dekh rahaa thaa mere yaaron ne barhakar
qaatil ko pukaaraa kabhi maqtal ko sadaa di

gahe rasn-o-daar ke aagosh main jhuule
gahe haram-o-dair ki buniyaad hilaa di

jis aag se bharpuur thaa maahaul kaa sinaa
wo aag mere lauh-o-qalam ko bhi pilaa di

aur aaj shikastaa huaa har tauq-e-talaai
ab fan meraa darbaar ki jagir nahin hai

ab meraa hunar hai mere jamahuur ki daulat
ab meraa junon kaif-e-taazir nahin hai

ab dil pe jo guzaregi be-Tok kahongaa
ab mere qalam main koi zanjir nahin hai

Number of posts : 1950 Registration date : 2008-09-14

Subject: Re: Ahmad Faraz - - Shayari - - Post Here Sat Nov 01, 2008 7:43 am

Number of posts : 1950 Registration date : 2008-09-14

Subject: Re: Ahmad Faraz - - Shayari - - Post Here Sat Nov 01, 2008 7:59 am

Number of posts : 1950 Registration date : 2008-09-14

Dukh fasana nahi ke tujhse kahein,
dil bhi maana nahi ke tujhse kahein,

aaj tak apni bekali ka sabab,
khud bhi jaana nahi ke tujhse kahein,

Ek tu harf-aashna tha magar,
ab zamana nahi ke tujhse kahein,

Be tarah dil hai aur mujhse,
dostana nahi ke tujhse kahein,

Aye khuda dard-e-dil hai bakhshish-e-dost,
aab-o-daana nahi ke tujhse kahein...

rose2

Number of posts : 1950 Registration date : 2008-09-14

'Faraz' ab koi sauda koi junoon bhi nahi,
magar qaraar se din kat rahe ho yun bhi nahi,

Lab-o-dahan bhi mila guftugu ka fan bhi mila,
magar jo dil pe guzarti hai keh sakun bhi nahi,

Meri zubaan ki luknat se bad-gumaan na ho,
jo tu kahe to tujhe umr bhar milun bhi nahi,

'Faraz' jaise koi diya turbat-e-hawa chaahe hai,
tu paas aaye to mumkin hai main rahun bhi nahi...

rose2

Number of posts : 1950 Registration date : 2008-09-14

kyaa aise kam-suKhan se ko’ii guftaguu kare
jo mustaqil sukuut se dil ko lahuu kare

ab tau hameN bhi tark-e-maraasim kaa dukh nahiiN
par dil ye chaaHtaa hai ke aaghaaz tuu kare

tere baGhair bhi tau Ghaneemat hai zindagii
Khud ko gaNwaa ke kaun terii justujuu kare

ab tau ye aarzuu hai ke wo zakhm khaa’iye
taa-zindagi ye dil na ko’ii aarzuu kare

tujh ko bhulaa ke dil hai wo sharminda-e-nazar
ab ko’ii hadisaa hi tere ru-ba-ruu kare

chup chaap apni aag meiN jalte raho “Faraz”
duniyaa tau Gharz-e-haal se be-aabruu kare

rose2

Number of posts : 1950 Registration date : 2008-09-14

jab tera dard mere sath wafa karta hai
aik samandar meri ankhon se baha karta hai
us ki baten mujhe khushbo ki tarha lagti hain
phool jese koi sehra mein khila karta hai
mere dost ki pehchan yehi kafi hai
wo har shakhs ko danasta khafa karta hai
aur to sabab us ki mohabbat ka nahen
baat itni hai wo mujh se jafa karta hai
jab khizan ayee to laut aye ga wo bhi faraz
wo baharon mein zara kam hi mila karta hai

Number of posts : 1950 Registration date : 2008-09-14

terii yaadoN kaa vo aalaam nahiiN hai
magar dil kii udaasii kam nahiiN hai

hameN bhii yaad hai vo marg-e-tamannaa
magar ab fursat-e-maatam nahiiN hai

havaa-e-qarb-e-manzil kaa buraa ho
firaaq-e-hamsafar kaa Gham nahiiN hai

junuun-e-paarsaa’ii bhii to naaseh
merii deevaangii se kam nahiiN hai

ye kyaa gulshan hai, jis gulshan meN logoN
bahaaroN kaa ko’ii mausam nahiiN hai

qayaamat hai ke har mai-Khwaar pyaasaa
magar ko’ii hariif-e-jam nahiiN hai

saliiboN pe khiiNche jaate haiN lekin
kisii ke haath meN parcham nahiiN hai

“Faraz” is qaht-zaar-e-raushnii meN
chiraaghoN ka dhuuaaN bhii kam nahiiN hai

Number of posts : 1950 Registration date : 2008-09-14

kyuuN tabiiat kahiiN Thahartii nahiiN
dostii to udaas kartii nahiiN

ham hameshaa ke sair-chashm sahii
tujh ko dekheN to aaNkh bhartii nahiiN

shab-e-hijraaN bhii roz-e-bad kii taraH
kaT to jaatii hai par guzartii nahiiN

ye mohabbat hai, sun, zamaane, sun!
itnii aasaaniyoN se martii nahiiN

jis taraH tum guzaarte ho Faraaz
zindagii us taraH guzartii nahiiN

rose2